Citroen C-5 eta Audi markako auto banak izan dute istripua Arrasatetik Gesalibar auzorako errepidean, hain justu ere, Eibar taldeak entrenatzeko erabiltzen duen Atxabalpe futbol zelaiaren parean. Hasieran errepidea guztiz itxi behar izan dute, baina dagoeneko errei batetik bideratzen dabiltza zirkulazioa. Edozelan ere, koipea dago errepidean, eta hura estaltzeko harea bota arte, errei batek itxita segituko du.
12:45ean gertatu da istripua. Bi autok elkar jo dute Atxabalpe parean. Istripua izan duen autoetako bat Anaitz Arbilla Eibar futbol taldeko jokalari iruindarrarena da. Bera ez da zauritu. Beste autoan, berriz, bi emakume zihoazen; bata Arrasateko ospitalera eraman dute, zangoan zauri batekin, eta besteak, antsietate-krisia izan du. Ertzaintza gertatutakoa ikertzen dabil, eta oraindik errei bat itxita dago.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak