Gaur hasi dira Altamirara joateko aldapan 26 aparkaleku egiteko lanak

Aldapa igotzerakoan ezkerraldean geratzen den espaloia kendu eta aparkalekuak egingo dira. Lanak azarorako amaitzea da Udalaren Gobernuaren aurreikuspena.

Jose Luis Iñarra kalean 26 aparkaleku egiteko lanak hasi ditu gaur Arrasateko Udalak. Altamirara igotzen ezkerraldean geratzen den espaloia kendu eta aparkalekuak jartzea da lanen helburua. Gaur egun, espaloia kotxez beteta egoten da eta oinezkoek beste aldeko espaloia erabiltzen dute. Hori ikusita, erabiltzen ez den espaloia aparkalekuengatik ordezkatuko da.

Lanak Excavaciones Arrasate enpresak egingo ditu eta azarorako amaituta egotea espero du Udalak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.