Labankadaz zauritu bi eta atxilotu bat Arrasaten izandako borroka baten ostean

Eneko Azkarate 2016ko abu. 30a, 11:35
Istiluak gertatu ziren tokia.

Ertzainek gizonezko bat atxilotu zuten astelehen iluntzean Arrasateko San Andres auzoan izandako istilu batean beste gizonezko bi labankadaz zauritu izana leporatuta. Araba Etorbidean, autobus geralekuaren ondoan, izan zen lau lagunen arteko eztabaida eta borroka eta orduan gertatu ziren labankadak. Atxilotuak polizia aurrekariak ditu.

Herrizaingo sailak Goienari adierazitakoaren arabera, lekukoek ohartarazi zituzten segurtasun indarrak, 20:30ak aldera, baina bertaratu zirenean ez zuten inor aurkitu lekuan. Ondoren, 21:00etan, Debagoieneko ospitaletik ohartarazi zituzten ertzainak bi gizonezko zaurituta eroan zituztela larrialdietara.

Zauritu bi

Herrizaingo sailak adierazitakoaren arabera, lekukoek eroan zituzten istiluetan parte hartu zuten bi gizonezko, zauriekin, ospitalera. Horietako bat Donostiako ospitalera eroan zuten, zauri larriekin. Bular aldean jaso zituen labankadak; besteak, izter aldean, baina ospitalean artatu ostean alta eman zioten astelehenean bertan.

Ertzainek 21:30ak aldera atxilotu zuten istiluetan ustez parte hartu zuen gizonezko bat, istiluak gertatu ziren lekutik gertu. 37 urtekoa, polizia aurrekariak ditu. Gaia ikertzen dabiltza eta istiluetan parte hartu zuten beste batzuen atzetik dihardute ertzainak.

Herrizaingo sailetik adierazitakoaren arabera, epailearen aurrera eroango dute atxilotua.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak