Medicus Mundiren eskutik osasunaren inguruko kale antzerkia egingo dute eguenean

Argazkia: 'plataformatirante.org'

Osasuna preziorik onenean izenburuarekin musika eta antzerkia batuko dituen kale ikuskizuna egingo dute eguenean Arrasateko Herriko Plazan. Medicus Mundi gobernuz kanpoko erakundearen proiektua da, eta Tirante Plataformak sortu du ikuskizuna. 19:00etan izango da emanaldia.

Arabako, Bizkaiko eta Gipuzkoako 15 herritan eskainiko dute aipatutako lana. Tirante Plataformak sortu du antzezlana eta eurak izango dira antzeztuko dutenak, Medicus Mundirekin adostuta. Azaldu nahi izan dutena da: "osasun publikoa galtzen ari dela bidegabeko eta desberdina den osasunaren mesederako”.

Kolektibo batzuk estalduratik kanpo

Bide horretatik, GGKEk jarduera horren bidez pertsona guztientzat osasunerako eskubidea erreklamatzea izango du helburu; "izan ere, 16/2012 Errege Dekretua indarrean sartu zenean galdu egin zen hori eta gizartearen kolektibo baztertuenetako batzuk osasun publikoaren estalduratik kanpo utzi zituen, adibidez egoera irregularrean dagoen etorkinen biztanleria".

Beste kolektibo batzuk

Proiektu honen garapenean, "publikoa, unibertsala eta kalitatekoa" izango den osasun sistema bermatzeko lanean ari diren beste kolektibo eta gizarte eragile batzuen laguntza ere badu Medicus Mundik, adibidez Munduko Medikuak eta Osalderena.

Ikuskizuna eguenean, 19:00etan

Kale emanaldia uztailaren 28an izango da, eguena, Herriko Plazan, 19:00etan.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.