Arrasateko merkataritza sarea dinamizatzeko plan bat garatzen ari da Udal Gobernua

Jokin Bereziartua Lizarazu 2016ko uzt. 19a, 15:44
Merkemerkaua, Erdiko Kalen.

Udaleko Merkataritza, Turismo, Teknologia Berri eta Sustapen Ekonomikoa batzordeak "plan estrategiko" bat onartu gura du abendu amaierarako. Sektore publikoaren eta pribatuaren arteko lankidetza, merkataritzak egun bizi duen egoeraren azterketa eta turistak erakartzeko ekimenak aurreikusten dituzte, besteak beste. Jaurlaritzaren Hirigune ekimenaren babesa du proiektuak.

Arrasateko Udalak plan estrategiko horren proiektua idazteko lehiaketa publikoa deitu zuen, 34.527 euroko esleipen prezioarekin. Hirigune ekimenari esker ordaindu da kostuaren gehiengoa: 29.800 euro. Gainerakoa Udalak hartuko du bere gain. Hala, plana Ikertalde Aholkulari Taldeak egingo du plana; gobernuak gogora ekarri duenez, 2009an Arrasateko merkataritza biziberritzeko dokumentua egin zuen –Perco moduan ezaguna–. Ibai-Arte elkartearekin elkarlanean gauzatuko da proiektua.

Negozio berriak irekitzea eta egungoak indartzea

Batzordeko arduradun politikoak, Victoriano Fuentes zinegotzi sozialistak, plan horren garrantzia azpimarratu du. "Planak inguruko beste herrietako egitura orokorrak mantenduko dituen arren, udalerriari egokitutako estrategia bereziak aplikatu nahi dira. Udalak Arrasaterekin duen konpromisoaren helburua da negozio berriak irekitzea eta egun daudenak indartzea", adierazi du ohar bidez.

Krisiak sektorean izan duen eragin negatiboaren jakitun, herriko merkataritza babestea "lehentasunezko helburu estrategikoa" da gobernuarentzat.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak