Zerrajeran ere, parranda paregabea

Egun bakarrean, baina topera. Horrela ospatu zituzten Zerrajera auzokoek eta bertaratu ziren askotariko herritarrek egubakoitzean egindako jaia. Eguraldi onak lagunduta, haurrentzako jolasak eta puzgarriak, zumba saioak eta Erraldoien konpartsa txikiaren ikuskizuna izan ziren arratsaldean. Urtetik urtera indarra hartzen ari den auzo-afarian 140 lagun inguru batu ziren gero -haurrak mozorrotuta eta txapela buruan, helduek-. Amaia Txintxurretaren Gauargi taldearekin dantzan borobildu zuten ospakizuna.