Santa Marina auzoan jaietan murgilduta daude eta atzo arratsaldean jaiei hasiera eman ziotenetik ez da musika eta dantzarako aukerarik falta izan. Sambamaña batukadak giroa alaitu zuen arratsaldean eta gaur ere aterako dira kalera.
Goizean Arizmendi Ikastolako patioan puzgarriak ipini dituzte eta giza futbolina ere egin dute eta eguerdian urteroko bisita egin du Mirandako "Miranda" txarangak. Auzoko txaranga ere batu zaie Mirandakoei eta sekulako giroa ipini dute.
Jaiek, baina, ez dute etenik eta arratsaldean, besteak beste buruhandiak aterako dituzte eta 18:00retan Agerre enparantzan auzoko Sambamaña batukada taldeak antolatuta pintxotxoa emango dute. Oihan Vega DJak alaituko du gaua.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
