Bi lagunen arteko pike moduan hasi zenak apustu jendetsuan bukatu du. Imanol Zeziaga eta Andoni Garcia gazte arrasatearrek Mojategiko atletismo pistan 1.000 metroko lasterketa egingo dute zapatuan, hilak 16, 11:30ean. Galtzen duenak afari eder bat ordaindu beharko dio irabazleari.
20 lagun elkartu dira bazkaltzeko gutxienez, eta apusturako "jende asko" espero dute antolatzaileek. "Porra bat ere antolatu dugu, irabazlea zein den eta zenbat segundoko aldearekin irabaziko duen zehaztuz. Poteoa ere egingo dugu eta bazkarirako 20 lagunek eman dute izena gutxienez. Barre batzuk egingo ditugu, hori seguru", adierazi du antolakuntzako kide Iñigo Merinok.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.