Trafiko aldaketak egongo dira azarora arte obrak direla eta

Takolo Goiru proiektuko G fasea martxan jarriko dute uztailaren 11tik aurrera, eta obren ondorioz, azarora arte trafiko aldaketak egongo dira Arrasaten.

Takolo eta Goiru artean GI-2620 errepidearen zeharbidea berriro ere urbanizatzeko lanen G faseko lanak hasiko dituzte. Gipuzkoako Foruen plaza eta Cordoba y Oro plazarako bidegurutzeen artean izango dira lanak, eta ondorioz trafiko aldaketak egongo dira Arrasaten. Foruenetik Takolorako norabidea erabilgarri izaten jarraituko du, ez ordea Takolotik Foruenera, norabide horretan trafikoa desbideratuko da Dr. Cordoba y Oro plazatik Navas de Tolosa kalera eta Dr. Bañez kaletik barrena.

Uztailaren 11n hasi, eta azaro bukaerara arte burutuko dituzte lanak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.