'Serrat eta Iñarra parrokua'

Serrat Idoiako atean, sartu nahian. Argazkia: Xabier Usobiaga.

"Joan Manuel Serrat abeslariak – bere ospearen uhineko erpinean zegoela- Arrasateko Idoia jai aretoan eskaini zuen emanaldi bat 1970ean. Antolatzaileen harridurarako, katalandar artista Arrasatera iritsi zenean herriko erretorea ezagutu nahi zuela aitortu zuen". Abiapuntu horrexekin kontatzen du Josemari Velez de Mendizabalek Serratek Arrasateko parrokoari begirunea azaldu zioneko anekdota.

Hain justu, Serrat Arrasatera iritsi eta "Iñarrarekin jarri ziren kontaktuan haiek, eta bi gizonen arteko elkarrizketa Naroki kafetegian burutu zen. Serratek bere miresmen eta begirunea azaldu zion erretoreari, askatasunaren borrokalaritzat hartu zuena. Iñarrak, ordea, ez zion publizitaterik eman nahi izan topaketa hari. Argazkian, Jose Manuel Serrat Idoiako atean bertara sartu nahian, ahaleginean Rafa Fernandezek laguntzen diolarik. Zaleak autograforen bila ari zaizkio abeslariari", jakinarazten du Debagoieneko historialariak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.