Aitor Fernandez Abarisketa atezainak Numantzian jokatuko du datorren denboraldian. Jagoba Arrasate bizkaitarrak zuzentzen du Soriako taldea, eta 2016-2017 denboraldirako Arrasateko atezain gaztea fitxatzea erabaki dute.
Athleticeko harrobian urteak eman ondoren, Barakaldon izan zen Fernandez, lagatu gisa. Atezainak ez zuen lehenengo taldearekin jokatzeko aukerarik izan eta 2013ko neguko merkatuan, Barakaldon maila ona erakutsi ondoren, Vila-realen jokatzeko pausoa eman zuen.