Uztailaren 11tik 16ra egingo dituzte Donostian kantu inprobisatuen gaineko topaketak. Askotariko tokietan egingo dituzten emanaldiez gainera, goizetan Miramar Jauregian jardunaldi akademikoak antolatu dituzte adituak diren ikertzaileekin. Horrez gain, transmisiorako gakoak, genero ikuspegiaren inguruko hausnarketak eta hizkuntza gutxituaren inguruko saioak egingo dituzte. Parte hartzeko azken eguna uztailaren 6an izango da www.uik.eus webgunean.