Istanbulgo aireportuko sarraskia salatzeko elkarretaratzea

Eudelek deituta elkarretaratzea egin dute Arrasateko Udal ordezkariek herriko plazan, asteartean Istanbulgo Ataturk aireportuan egindako ekintza terrorista salatzeko. EAJ, EH Bildu eta Ahal Dugu ordezkariek bat egin dute deialdiarekin, atentatuan hildako 41 pertsonen heriotza gaitzesteko.

Gaur eguerdian, Eudelek deituta, elkarretaratzeak egin dituzte hainbat herritan asteartean Istanbulen gertatutako sarraskia salatzeko.

Arrasaten adibidez, EAJ, EH Bildu eta Ahal Duguko ordezkariak Herriko Plazan batu dira. Agerraldi labur horren bitartez, Ataturk aireportuko sarraskiak eragindako 41 pertsonen heriotza gaitzetsi dute bertaratutakoek.

Atentatu egunean hildakoen zifra ofiziala 36koa bazen ere, atzo bertan hildakoak 41 direla konfirmatu zuen Istanbulgo gobernadoreak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.