Eneko Carrascal, gazte mailako Espainiako txapeldun luzera-jauzian

Eneko Carrascal –erdian–, artxiboko irudi batean.

Arrasatearrak 7,13 metroko jauzia egin eta irabazi du urrea Matarón jokatzen ari den gazte mailako Espainiako txapelketan. Txapelketa berean, Iban Fernandezek 11.45 denbora egin eta ez da sailkatu 100 metroetako finalerako. Promesen mailako Espainiako txapelketan, berriz, Istar Dapenak –besteak bezala Arrasatekoa hau ere– bigarren jauzi garaiena egin du finalean, 5,01 metro –hirugarren geratu da, berdinduta–.

Dapenak hirugarren ahaleginean lortu du 5,01eko langa gainditzea, eta gero huts egin du 5,11koarekin. Toledon jokatzen ari den txapelketan ez da ezustekorik egon, eta, aurreikuspenak betez, Adrian Vallesek egin du jauzi garaiena: 5,50 metro.

Istar Dapenaren marka bera, berriz, beste bi atletak ere egin dute. Dapena hirugarren sailkatu da azkenean, brontzearekin itzuliko da, beraz, Arrasatera.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.