Haur Dantzarien Eguna ospatu da gaur Arrasaten, eta eguraldia lagun, giro bikaina izan da herrian goizean goizetik arratsaldera arte. Guztira, 500 dantzari izan dira herrian: Aramaio, Aretxabaleta, Oñati, Antzuola, Bergara, Arrasateko, Soraluze, Oiartzun, Portugalete, Markina eta Leitzatik etorritakoak.
Goizean, Zaldibarretik abiatu dira kalejiran herriko plazaraino, eta hamaiketakoa egin ondoren, indarrak berreskuratuta; Arbolapetan, Biteri plazan eta Sebero Altuben dantzatu dute, ondoren herriko plazan bukatzeko.
Kanpotik etorritakoek herriko dantzarien etxeetan, elkarteetan… bazkaldu dute, eta eguna amaitzeko, 17:00etan azken dantzaldia egin dute herriko plazan. Herritar eta familiarrak bertara hurbildu dira dantzak ikustera, eta bete-beteta izan da plaza.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.