Euskal Herriko irratizaleek hitzordua daukate domekan Arrasaten

Sunmit on the Air euskal irratizaleek urtero antolatzen duten hitzordua da. Irratizaletasuna eta mendizaletasuna uztartzen dituen egitasmoa da. Aurtengoan, gipuzkoarrei egokituko zaie ekitaldia antolatzea, eta Arrasateko Irratizaleen Elkarteko kideek antolatu dute.

Nafarroa, Bizkaia, Araba eta   Gipuzkoako 40  irratizale inguru batuko dira domekako ekitaldian, bakoitza bere emisio antenak eta bateriak motxilan hartuta.

Goizeko 09:00retan Aretxabaletako Galartza auzoan elkartu eta Murugainera ibilaldia egingo dute. Behin bertan, ekipoak muntatu eta deiak egiten hasiko dira, bakoitzak bere frekuentziatik. Batzuek frekuentziak bidali eta beste batzuek horiek jasotzean datza jokoa. Bidaltzen dituztenak aktibatzaileak dira, eta jasotzen dituztenak, aldiz, ehiztariak.

UHF,VHF eta HF frekuentziak erabiliko dituzte. Bakoitzak hedapen maila bat du. VHF frekuentzietatik 150 edo 200 kilometroko hedapena edukitzera hel daitezke eta HF frekuentziekin mundu osora heltzeko gaitasuna dute aktibatzaileek.

Lokal eskaera

Domekako egitasmoa, Arrasaten lokal propio bat edukitzeko  aldarria egiteko baliatu dute Arrasateko Irratizaleen Elkartekoek.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.