Irabazi koalizioak aurkeztutako mozioaren aurka PNVk eta PSOEk hartutako erabakia salatu du Askapenak

Atzoko osoko bilkuran Irabazi koalizioak udaletxean aurkeztutako mozioa onartu ez izana "tamalgarria" iruditu zaie. "Andaluziako señorito eta terratenienteak dira Euskal Herrian PNV gestionatzen duten burgesak,eta atzokoan, beste behin ere, agerian gelditu zen hori", Arrasateko Askapenaren berbatan.

Arrasateko Askapenaren oharra:

"Andaluziako herriaren borroka eta lorpen sindikalek, hainbat herritan egiten ari diren gestio instituzional herrikoiek, sistemarekiko ekonomia paraleloak, Rotako poligonoaren eta yankee-en aurkako borrokak, beste herriekiko erakusten ari diren elkartasun internazionalistak, tartean Euskal Herriarekikoak, badirudi estatu espainola urduri jarri dutela. Hala, Andaluziako mugimendu sindikal eta herri mugimenduen aurkako makinaria errepresiboa abian jarri du estatu espainolak.

Guretzat Andaluzia, bere jendearen duintasuna da, bere langileen irmotasuna, soroetatik bueltan datozen esku ahituak, beren arrantzaleen azal zigortuak, Marinaledako biltzar herrikoian eztabaidan ari den bizilaguna, eta Andres Bodalo “etor zaitezte ni atxilotzera, ni errugabea naiz eta ez naiz entregatuko” esaten.

Horregatik, atzo, Irabazi koalizioak Arrasateko udaletxean aurkeztutako mozioa onartu ez izana tamalgarria iruditu zaigu. Andaluziako señorito eta terratenienteak dira Euskal Herrian PNV gestionatzen duten burgesak. Eta atzokoan, beste behin ere, agerian gelditu zen hori".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.