Kirola Kalera Egunak Arrasateko erdigunea hartuko du zapatuan

3x3 saskibaloi txapelketa Arrasaten.

Arrasateko erdiguneko bost puntu esanguratsu hartuko ditu Kirola Kalera Egunak, 11:00etatik 14:00etara, eta 19 klubekin batera urtean zehar egindako lanaren berri eman ahal izango dute taldeek, jendeari kirol horiek probatzeko aukera emanez.

Kirola Kalera Egunak, Arrasateko Kirol Talde guztiek urtean zehar egiten duten lanaren erakusgarri izan nahi du. Horretarako, kantxa, zelai edo ohiko esparruetatik atera nahi da eta herri erdira ekarri. Hau da, egun berean eta ordu beretan kirol modalitate ezberdinak herritarrei erakusteko aukera eman nahi da. Horretarako zenbait gune bideratuko dira Arrasateko erdigunean.

Hau guztia antolatzeko kirol kluben laguntza izan du Udalak. Kirol ezberdinek, beraz Herriko plaza, Iturriotz kalea eta Erdiko kalea, Garibai etorbidea, Biteri plaza eta inguruak, Portaloia eta Seber Altube plaza eta Jose Letona plaza hartuko dituzte ekainaren 11n.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.