Hainbat txapelketa egun berean zirela-eta senior mailako hiru taldek bakarrik lehiatu dute gaur jokatu den Zazpiko Txapelketan; etxekoez gainera, Elorriokoa eta Iruñeko Launica taldea izan dira. "Ez dugu irabazi baina pozik gaude; azken finean gaurko txapelketaren helburu nagusia ondo pasatzea da; beraz, helburua beteta. Hiru talde bakarrik izanik, lau partidu jokatu ditugu, hau da, talde bakoitzak bina buelta eginda. Elorrio eta launicak jokatu dute lehengoa eta bizkaitarrek irabazi dute partidu txukuna eginda. Ondoren Launicari samur irabazi diogu, eta segidan, Elorriokoen aurka jokatutakoa galdu egin dugu. Finalean, berriz, gustura jardun dugun arren, galdu egin dugu bizkaitarren aurka, nahiz eta aurreko partidua baino indartsuagoa egon garen", azaldu Igor isasik, ART taldeko entrenatzaileak.
Nesken txapelketan, sei talde
Eibartik, Hernanitik, Durangotik, Iruñetik, Getxotik eta Gasteiztik etorri dira Mojategira gaur rugbian jokatzera. Horien artean, Debagoieneko ordezkari bat ere bazegoen, Arrasateko taldearekin entrenatzen duen eta Eibarko taldean jokatzen duen Ihintz Urkia: "Gustura jardun dut gaur nire taldearekin normalean eurek barik entrenatzen dudan zelaian. Finalera heltzeko aukerak bagenituela ikusi dugu, partiduren bat edo beste galdu dugun arren, orokorrean ondo ibili gara-eta. Finalera iristea lortu dugu, beraz, eta baita irabaztea ere".
