Bost urre, bi zilar eta brontze bat
Uzta oparoa Arrasateko atletek asteburuan pilatu dutena. Anoetako proban, Arrasateko 100 metroko errekorra iraultzeaz gain, emaitza bikainak lortu zituzten Arrasateko ordezkariek. Pertika jauzian, Malen Ruiz de Azuak eta Istar Dapenak urrea eskuratu zuten, 4,00 metro eta 5,06 metroko jauziei esker, eta Maialen Axpek eta Jonathan Perezek zilarrezkoa, 3,90 eta 4,70 metroko markekin. Luzera jauzian Eneko Carrascalek brontzea poltsikoratu zuen, 6,62 metroko jauziarekin.
Zorrozan jokatutako infantil mailako txapelketan, Mikel Agirrek bi urrezko lortu zituen. Lehena luzera jauzian, 5,72 metroko markari esker eta bigarrena 4 x 80ko lasterketan. Proba berdinean, Iker Ugartek urrea poltsikoratu zuen disko jaurtiketan, 35,91 metroko markarekin.
Aire libreko denboraldia hasi berri dute, eta dagoeneko emaitza onak eta errekorrak pilatzen hasiak dira. Hemendik eta uztaila amaitu arte, hauek hobetzeko tarte polita daukate Arrasateko atletek.