Talde ezberdinetan banatuta eta 10:00etan hasita, klub zuri-moreko arduradunek zenbait zirkuitu bat muntatu zuten eta, jolasen zein ariketen bitartez, parte hartzaileek errugbiaren ekintza tekniko ezberdinak landu zituzten: paseak, ostikoak baloiari, joko kolektiboa, plakaketak… "Esan beharrik ez dago, eguzkiak gogor jo arren, Leintz Eskola Kiroleko neska-mutiko guztiek primeran pasatu zutela", adierazi dute ART-etik.
Arrasate Rugby Taldeak eta Leintz Eskola Kirolak elkarlanean antolatutako saioan, Lehen Hezkuntzako 3. eta 6. maila arteko 50 neska-mutikotik gora bildu ziren joan den zapatuan Musakolako errugbi zelaian. "Ederto" pasatu zuten errugbiaren nondik norako eta sekretuak ezagutzen: "Neska-mutikoek primeran pasatu dute, eta askorentzat ezezaguna zen kirola gerturatu ahal izan dugu".
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak