Merezitako garaipena lortu du Mondrak eta horrela mailaz igotzeko helburua gertuago daukate Zubiaren mutilek. Hasieratik indartsu eta konfiantzaz zelairatu dira arrasatekoak eta lehenengo kolpea etxekoek eman badute ere, Imanol Rodriguezek banakoa jarri du markagailuan area ertzetik jaurtiketa eder bati esker. Lehenengo 45 minutuetan Mondra gehiago izan da, baina aldagelatik bueltan beste martxa bat sartu dute arrasatearrek eta jokoa kontrolpean izan dute. Zelai txikia da Trintxerpekoa, eta estrategiak berebiziko garrantzia izan du. Bigarren zatian defentsan ere sendo ibili dira zuri-moreak eta azken minutuetan Aizpuruaren golak garaipena eman die. Aurrerantzean ere hirugarrena egiteko aukera izan dute, baina ez dute asmatu azken metrotan; hala ere datorren astera begira garaipen oso garrantzitsua lortu dute. Uribesalgok ezingo du itzuliko partidua jokatu, bi txartel hori ikusi ditu-eta.
