Arrasateko kaleetan azken egunetan agertutako pintaketen agerpenen aurrean udal gobernuak zera adierazi du:
1) Guztiok elkarlanean Arrasate garbi baten alde egitea da udalaren nahia eta asmoa.
2) Azken egunetan, herriko paretetan, frontoi, ikastetxe eta abarretan agertutako pintaketek agerian utzi dute apirilean udal gobernuak martxan jarritako garbiketa ordenantzaren beharra.
3) Ordenantzari helegiteak aurkezteko epea datorren maiatzaren 17ra arte dago zabalik. Horregatik, beren proposamenak aurkeztera animatu nahi ditugu arrasatearrak, ahalik eta adostasunik handiena lortzea baitugu helburu. Jasotako proposamenak lantzeko, udalak eskura dituen baliabideak herritarren zerbitzura jarriko ditu.
4) Garbiketa Ordenantza proposamenak jasotzen duen modura, Udalak, betiere, arrasatearren adierazpen askatasuna bermatze aldera, adierazpen librerako guneak bermatuko ditu, edozein kasutan, errespetua izanik horretarako oinarrizko baldintza.
Arrasate garbi bat nahi dugu herritar guztien nahiak, eskubideak eta betebeharrak errespetatuz eta adierazpen askatasuna bermatuz!