Gutxieneko prestazio sozial baten aldeko sinadurak batu ditu CCOOk Arrasaten

Leire Kortabarria 2016ko mai. 13a, 15:02
CCOOren sinadura-batzea Arrasaten.

Gutxieneko diru-sarreren prestazio bat sortzeko eskatzeko sinadurak batu ditu egubakoitzean CCOOk Arrasaten. 200 bat sinadura batu dituzte eta arduradunek balorazio ona egin dute.

Espainiako gizarte-babes sistema “indartzeko” helburuarekin, Gutxieneko Diru-sarreren Prestazioa sor dadin eskatu nahi dute UGT eta CCOO sindikatuek Espainiako Diputatuen Kongresuan, Legegintzako Herri-Ekimen baten bidez. Horretarako, sinadurak behar dira, eta Arrasaten 200 bat batu dituzte egubakoitz goizean zehar, mahai baten.

CCOOko Debagoieneko arduradun Iñaki Tempranok honako hau esan du: “Sinadura kanpainarekin denbora dezente daroagu CCOOk eta UGTk, eta espero dugu martxoan aurkeztu ahal izatea Legegintzako Herri-Ekimena Kongresuan”.

Prestazio hori Euskadiko RGIren antzekoa izango litzateke. Gaur egun lanbide arteko gutxieneko soldataren %75ren berbera izango litzateke; 2016an, 573,30 euro. INEren estatistiken arabera, Espainian 770.000 familia daude soldata, pentsio eta subsidiorik gabe.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak