Erain Debagoienako Arrasateko lantaldeak atzo, eguaztena, inauguratu zuen herri galdeketara begira "beharrezkoa" zuten lokal berria. Ignacio Zuloaga kaleko 4. zenbakian dago, Omu enpresako Bittor Gonzalezek "eskuzabaltasun itzelez" utzi diena. Maiatzaren 21etik ekainaren 4ra bitartean bozka aurreratua emateko txokoa izango da eta herritarrek edozein zalantza argitzeko aukera izango dute.
Lokala aste barruan 18:30etik 20:00etara egongo da zabalik eta aste bukaeran, berriz, goizez zein arratsaldez. Atzoko inaugurazio ekitaldian azaldu zutenez, lokal horretan egongo dira arratsaldero gutxienez: "Edozein zalantza edo kezka argitzeko edota abentura honetan laguntzeko eta parte hartzeko, zuen izenak jasotzeko prest".
Naroki, "laster"
Bittor Gonzalezi eskerrik beroenak eman zizkioten lokala musu truk uztean erakutsitako "eskuzabaltasun itzelagatik" eta aurreratu zuten Naroki denda zena ere erabilgarri izango dutela, "laster". Ekitaldi xumea honela amaitu zuten: "Besterik gabe, gaurtik, gure herriaren egun historiko hori ospatzen has gaitezen. Jende zoriontsua herri libre batean!".
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak