Zeremonian lehen aldiz irakurri zen Vaticanotik kanpo Jorge Mario Bergoglio aita santuak onartutako dekretua. Elizkizunera joandakoen artean zeuden Jose Maria Ormaetxea, mugimendu kooperatibistaren aitzindarietako bat eta korporazioko buruzagietako batzuk: Javier Sotil presidentea, Txomin Gartzia (Laboral Kutxa), Agustin Markaide (Eroski), Jesus Maiztegi, Anton Etxebarria, Miguel Angel Lazpiur, Jose Ignacio Garate eta Jesus Goienetxe, besteak beste. Erakundeetako ordezkaritzari dagokionez, Arrasateko Udaletik Anuska Ezkurra izan zen ekitaldian; eta Eider Mendoza, Batzar Nagusietako presidentea eta egun Donostiako Udaleko zinegotzi den Miren Azkarate sailburu ohia.
Meza Angelo Amato kardinalak zuzendu zuen eta Arizmendiarreta apaiz "langile, umil eta xume" bezala goretsi zuen.