Banda elastikoen onurak ezagutzera, Arrasasoi ekimenari esker

Kiroldegiko erabiltzaile bat banda elastikoak erabiltzen.

Arrasateko Udaleko Kirol Zerbitzuaren eskutik, Arrasasoi ekimenaren hirugarren ikastaroarekin hasiko dira  bihar, apirilak 27, Musakolako kiroldegian. Banda elastikoen, goma soil baten laguntzarekin, sorbaldako arazoak ekiditen eta indar ariketak egiten gorputz osoa lantzen ikasiko dute, besteak beste, ikastaroan izena ematen duten abonatuek. Maiatzaren 2an eta 5ean ere izango dira saioak.

Aurreko bi saioetan abdominalak nola landu behar diren jorratu zuten eta Orekaren Bila aritu ziren. Apirilaren 27an martxan jarriko den hirugarren honetan ere, Beñat Barberena gimnasioko aholkulariak  kiroldegiko abonatuei bideratuta emango dituen 30 minutuko formazio saioak emango dira. Saio hauetan banda elastikoekin arituko dira lanean eta bertan sorbaldako arazoak ekiditeko ariketak egiteaz gain, gorputz osoa lantzeko indar ariketak egingo dira, eta guztiak ere goma soil baten laguntzarekin. Apirilaren 27an –16:30ean eta 19:30ean– maiatzaren 2an –16:30ean eta 18:30ean– eta maiatzaren 5ean –09:00etan eta 11:00etan– izango dira saioak; doakoak izango dira, kiroldegiko abonatuendako.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.