Musakolako Komisiñuek antolatuta, II. olagarro dastaketa egin dute gaur, domeka, San Isidroko eliza ondoko plazatxoan, Arrasaten. Eguraldiak askorik lagundu ez duen arren, jende ugari bildu da eta zegoen jateko guztia saldu da, 100 kg olagarro, hain zuzen.
Azken orduan hurbildu den hainbat jende errazio gabe gelditu da. Bertara gerturatutako batzuek nabarmendu dute jaiak ziruditela, horrelako jendetza ikusita. Iban Goñi komisiñoko kideak oso balorazio positiboa egin du.
Gainera, Arrasateko trikitixa eskolak gonbidatuta, Galiziako Xinzo de Limia herriko gaitero talde bat hurbildu da dastaketa gunera eta biek giroa alaitu dute haien musikarekin. Atzo Bergaran ere izan ziren galiziarrak, Debagoieneko Trikiti egunean.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.