Orekaren bila 'Arrasasoi' ekimeneko bigarren saioan

Arrasateko Udaleko Kirol Zerbitzuak eskaintzen duen Arrasasoi: Hamabi hile, hamaika gai ekimeneko bigarren saioarekin hasiko dira etzi, hilak 6. Orekaren bila izena jarri diote bigarren ikastaroari; orkatilako eta belauneko lesioak eta erorikoak ekiditen ikasiko dute, eta baita horiek gertatuz gero ondo erreakzionatzeko gorputza nola hezi behar den ere.

Saioak kiroldegiko abonatuendako dira, doan. Baldintza bakarra da aurrez izena ematea da eta zabalik dago horretarako aukera: interesatuek kiroldegiko harreran galdetu eta eguna eta ordua aukeratzearekin nahikoa izango da. 30 minutu inguruko saioak izango dira eta Beñat Barberena gimnasioko aholkulari arrasatearra izango da saio horiek gidatuko dituena.

Honako egun eta ordutegi hauetan izango dira hil honetako saioak

-Apirilak 6: 16:30ean eta 18:30ean.

-Apirilak 11: 17:00etan eta 19:00etan.

-Apirilak 14: 09:30ean eta 12:00etan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.