Arrasateko Alfontso VIII kalea aurten berrurbanizatuko dute

Alfontso VIII. kalea; ezkerrean, Bedoñabe Herri Eskola. Autobus geltokia jarriko dute bertan. / Argazkia: Google maps.

Takolo-Goiru proiektuaren fase berri bat gauzatuko da aurten, Alfontso VIII. kalea berrurbanizatzearena. Udalak espero du urte bukaerarako amaitzea; 15 aparkaleku berri sortuko dira, gaur egun dauden 15 aparkalekuez gain. Era berean, Bedoñabe Herri Eskolarako autobus geltoki "aproposa" egingo dute. 

Obrarako esleipen prozedura ireki dute dagoeneko eta aurrekontua da 512.722 eurokoa. Esandako moduan, proiektuaren helburua da Takolo eta Goiru artean, antzinako GI-2620 errepidearen zeharbidea berriro urbanizatzeko proiektuaren G faseari dagozkion obrak egitea. Lanez arduratuko den enpresak lau hilabete izango ditu obrak amaitzeko. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.