Bergarako Lehen Auzialdiko Epaitegiak Fagor Etxetresnen eta Edesaren itxieraren ondorioz kaltetutakoen demanda tramitera onartu berri du. Abenduaren 2an jarri zuten demanda Ordaindu eta Eskuratu elkarteek, Mondragon Korporazioari 48 milioi euroko kalte-ordaina erreklamatuz.
Kolektiboak korporazioari leporatzen dio ekarpen boluntario, merkataritza-mailegu eta itzulketa gisa kobratzeko zeukaten dirua kinkan zeuden kooperatibetan mantentzea bideratzeko informazioa eman zietela. Demandatzaileek uste dute kooperatibisten konfiantzaz baliatu zela korporazioa.
