Arrasateko Uribarri auzoko erretiratu elkartean 80 urte baino gehiago dituzten bazkideak omendu zituzten atzo, eguena. Eugenio Apaolaza gizon nagusienak (96 urte) eta Jovita Elortza emakume nagusienak (92 urte) Maria Ubarretxena alkatearekin eta Amaia Azpiazu Ongizateko zinegotziarekin bazkaldu zuten. Guztira 65 bat erretiratu zituzten; Hilarion jatetxean egindako bazkarian, 70 lagunetik gora elkartu ziren.
Omendu guztiek jaso zuten oparia: emakumeek lora sorta eta aterkia, eta gizonek muku-zapia eta aterkia. Gainerakoendako aterki bana banatu zuen elkarteak. Andoni Altzelaik, elkarteko presidente izendatu berriak, omenaldia "oso ondo" joan zela kontatu du: "Bazkaria elegante joan da. Zorionak Uribarriko 80 urtetik gorakoei! Gora Uribarri!", adierazi du.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.