Bikotekide ohia eta bere ahizpa erasotzeagatik gizon bat atxilotu dute Arrasaten

35 urteko gizon bat atxilotu zuen atzo goizean Ertzaintzak Arrasaten. Erasotzaileak bikotekide ohiaren eta bere ahizparen etxera sartzea lortu zuen, kolpeka, eta bi emakumeei erasotzeagatik atxilotu zuten.

Gertaera domekan izan zen, goizeko hamarrak aldera. Emakume batek Ertzaintzari bere bikotekide ohiak eraso ziola jakinarazi zion, eta ertzainak etxebizitzan bertaratu ziren.

Jarraian, ertzainek gizon batek bikotekide ohiari ostikoak eta ukalbikadak eman zizkiola konprobatu ahal izan zuten. Erasotuaren ahizpak ere, tartean sartzen saiatzeagatik kolpeak jaso zituela azaldu dute Segurtasun Sailetik.

Ertzaintzak inbestigazioak hasi zituen, eta ustezko erasotzailea lokalizatu ostean, ustezko egoitzaren bortxatze eta bikotekide ohiaren aurkako lesioengatik atxilotu zuten.

Atxilotuak aurrekari polizialak ditu, eta Bergarako guardiako epaitegira eraman dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.