Otalora Lizentziaduna kalean, Arbolapeta eta Muzibar arteko tartea berrantolatu gura du Udalak. Arrasatearren iritzia jaso gura dute eta horretarako erakusketa irekiko dute Kulturateko klaustroan, otsailaren 8tik 19ra. Bertan ikusgai egongo dira planoak eta informazio zehatza; hilaren 11n eta 18an bisita gidatuak egingo dira, 18:30ean hasita.
Datorren astelehenean irekiko den erakusketan 21 proposamen aurkeztuko dira, hiru multzotan banatuta. Irizpide nagusia Aramaio erreka izango da, hau da, lehen multzo baten berrantolaketa erreka azaleratu barik egongo litzateke; bigarren multzo baten erreka zabalera txikian azaleratuta eta hirugarrenean erreka zabalera handiagoan azaleratuta.
Udalak arrasatearren iritzia jaso gura du eta horretarako hiru bide ireki ditu: Kulturaten bertan, BAZen eta Udalaren webgunean.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.