Baserritarren azokako urteko lehen otarra Sebe Etxaberentzat

Aurtengo lehen baserritarren azoka egin zen aurreko zapatuan, zuhaitz feriarekin batera. Beti bezala, bukaeran, baserriko produktuekin osaturiko otar bat zozketatu zen azokako bezeroen artean. Jasotako txartelen artean, Arrasatera bizitzera orain dela hilabete gutxi etorri den Sebe Etxaberena suertatu zen.

Gaur, barikua, goizean BAZen ikusgai egon da Askasibar baserriko Rakelek eta Koldok prestaturiko otar ederra, eguerdian, Sebe Etxabek jaso duen arte. "On egin, Sebe, eta mila esker baserriko produktuak aukeratzeagatik!" adierazi dute Arrasateko Udaletik.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.