EH Bilduko zinegotziek herriko presoak bisitatuko dituzte, urtarrilaren 16an hasita

Arrasateko EH Bilduko zinegotziek herriko euskal presoak bisitatuko dituzte. Diotenez, helburua da dispertsioa salatzea, presoen senideei sostengua ematea eta bertako presoekin hitz egin eta iritziak trukatzea Arrasateko eta Euskal Herriko egoeraren, erronken eta lan arloen gainean. 

"Udalean zein kalean maiz egin dugu preso hauen eskubideen alde, baina oraingoan aurrez aurre adierazi nahi diegu gure elkartasuna. Etorkizunean ere, bisita edota gutun bidez presoekin harremana izaten jarraituko dugu udal taldekook uste baitugu euren ekarpena oso aberasgarria izango dela gatazkaren konponbidean edo herriko beste hainbat gaietan". Bisita bira zapatuan, hilak 16, hasiko da; Eneko Barberenak Murtziako espetxean dagoen Josu Arkauz bisitatuko du. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.