Garaipen erosoa Arrasatek Zarautzen aurka Mojategin: 52-7

Arrasateko jokalaria baloiarekin, goizean Mojategin.

Zazpi entsegu lortu dituzte Igor Isasiren mutilek goizean Mojategin jokatutako partiduan. Lehen zatian bideratu dute neurketa (17-0), eta bigarrenean jarraipena eman diote ordura arteko lanari. Defentsan oso ondo ibili dira, eta erasoan apartekorik egin beharrik gabe iritsi dira puntuak.

Neurketa amaieran gustura zen Arrasateko entrenatzaile bizkaitarra: "Gabonetan talde modura ohi bezala entrenatu gabe, beldur apur bat izaten da lehen partidurako. Baina etxean jokatzeak beti laguntzen du".

Giro haizetsu eta bustira ere ondo egokitu da taldea, eta lehen zatiko bi entseguen ostean, bigarreneko hamargarren minuturako bazituzten beste bi zakuan; gero iritsi dira beste hiru. Entseguen egileak izan dira: Lezamiz, Beñat, Aztiria, Iñigo, Heriz eta Dolara (2). 

Honenbestez, urte berrian ere bide onetik jarraitzen dute Arrasatekoek. Otsail bukaeran amaituko den Euskal Ligako 2. Mailako lehen fasean partidu denak irabaztea da taldearen helburua, eta igoera lortzeko lehiatzea horrela. Hala aitortu du Isasik.

Erlazionatuak

Kanpanzar Arrasate-Zarautz

Arrasate

Zazpi entsegu lortu dituzte Igor Isasiren mutilek goizean Mojategin jokatutako partiduan. Lehen zatian bideratu dute neurketa (17-0), eta bigarrene...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.