Pasealekurako pago gorria aukeratu dute arrasatearrek

Jokin Bereziartua Lizarazu 2016ko urt. 7a, 09:48
Pago gorria landatuko da irudian ikus daitekeen plazatxoan. Argazkia: Arrasateko Udala.

Arrasate pasealekuko obren ostean eratu den plazatxo berrian pago gorria landatuko dute. Horixe aukeratu dute arrasatearrek Udalak abiatutako parte hartze prozesuaren bidez: 329 pertsonek hartu zuten parte eta pago gorria izan zen bozkatuena, 103 botorekin. 

Pasealekuko lanen ostean eratu den plazatxoa "leku emblematikoa" dela sinistuta eta eremu horri "nortasun handiagoa" eman guran, "zuhaitz esanguratsu" bat landatu nahi izan du bertan Udalak, arbola espeziearen aukeraketa arrasatearren esku utzita. 

Urtarrilaren 16an landatuko da

Udalak lau zuhaitz mota proposatu zituen: haritza, pagoa, ezkia eta astigarra. Arrasateko Udalaren webgunean edo BAZen eman dute botoa herritarrek, guztira 329 boto jaso dituzte. Esandako moduan, pago gorria izan da bozkatuena, 103 botorekin. Urtarrilaren 16an landatuko da zuhaitz berria, Zuhaitz Eguneko ospakizunaren barruan. 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak