Gabonetako "gehiegikeriak" amaituta, bueltan da Kooltur Ostegunak. Hala, gaur, urtarrilak 7, urteko lehena ospatuko dute, 22:00etatik aurrera Arrasateko Gaztetxean. Talde gonbidatua: Rural Zombies.
Zestoako Rural Zombies boskotea, azken aldian indieak eman duen altxorretako bat da. "Indiea deitu diogu, baina baita ere post-rocka, elektronika, iluntasuna, musika dantzagarria, melodia eta intentsitatea ere aipatu ditzakegu hauen eskaintza aberatsean aurkituko duguna hitzetan jartzeko" diote antolatzaileek.
Musikari gazte bezain egoskorrez osatutako boskote honek dotoreziaz eta indarrez aurkeztuko du Bat izeneko diskoa.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
