Irabazteko dena egin baina husna berdindu

Iker Pavon aurrelari arrasatearra baloiarekin.

"Partidua irabazteko egin behar den guztia egin dugu, baloia sartzea izan ezik". Hitz horiekin deskribatu du partidua Mondrako entrenatzaile Josu Zubiak. Gutxienez hamar aukera garbi izan dituzte zerrajeroek Zestoa menderatzeko, baina gaur baloiak ez du atean sartzerik nahi izan: "Bi puntu garrantzitsu galdu ditugu". 

Jaun eta jabe izan, partidua goitik behera kontrolatu, baina ezin garaipena erdietsi. Zestoa atzean geratzera etorri da, kontraerasoan edo estrategia jokaldi batean gola egiteko itxaropenaz. Eta hori jakinda, Josu Zubiaren mutilek baloia pazientziaz mugitzera ekin diote eta lehen zatian zein bigarrenean aukera garbiak egin dituzte: "Batzuetan euren atezainaren gelditu onengatik eta besteetan gure punteria faltagatik, ez gara gai izan gola egiteko. Gaurkoan logikoena 3-0eko eroso batekin amaitzea izango litzateke", uste du entrenatzaileak. 

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.