Denden dekorazio bereziarekin, Gabonen iragarle lanak egin dituzte merkatarien elkartekoek baina ez dira horretan geratuko jaietarako pentsatutakoak. Hala, hasi dira dagoeneko bezeroen artean Erregeetako loteriaren partaidetzak banatzen – 89.169 zenbakia –, urtero egiten duten moduan.
Herria girotzeko asmoarekin, abenduaren 12an eta 19an – 11:30etik 13:30era eta 16:00etatik 19:00etara – puzgarriak eta jolasak ipiniko dituzte Biteri plazan. Zozketekin jarraitzeko, gabon produktuez osatutako 100 otzara banatuko dituzte Ibai-Arteko txartelarekin erosketa egiten duten bezeroen artean. Abenduaren 19an gauzatuko da zozketa, 13:30ean. Azkenik, urtea amaitzeko, cava banatuko da doan eguerditik aurrera merkatarien elkarteko komertzioetan.