Arrasateko kaleak argiz apaindu aurretik Goiko Balu ume abesbatzak bi kanta abestuko ditu eta ondoren alkatearen hitz batzuk entzun ahal izango dira.
Hau guztia eta gero plazako argi publikoa itzali eta atzerako kontaketa bat egingo da. Kontaketa amaitzerakoan Gureak taldeko kide batek Udal balkoiko “Zorionak” eta plaza ondoko bi kaleen argiak piztuko ditu botoi bat zapalduz.
Amaitzeko, Goiko Balu abesbatzako umeek beste bi abesti eskainiko dituzte.