Arrasateko Ointxe! saskibaloi taldea harrobian egiten dabilen lana badabil fruituak ematen, bai emakumezkotan, eta baita gizonezkotan ere. Izan ere, Euskadiko eta Gipuzkoako selekzioak jokalariz hornitzen dabil talde arrasatearra. Hasteko, etxeko ordezkariak izango dira asteburuan Beasainen jokatuko duten Euskadiko Txapelketan.
Gazte mailako Euskadiko Txapelketa jokatuko dute asteburuan, eta Gipuzkoako selekzioa ordezkatzen egongo dira Ointxe!ko jokalari Aritz Oiarzabal eta Joseba Zillaurren. Taldetik adierazi dutenez, deialdi horretan egotea jokalariendako sari bat da, eguneroko lanaren saria.
Infantil mailako neskak, Espainiako Txapelketara
Bestalde, joan den astean itxi zituzten infantil mailako Euskadiko selekzioetako zerrendak eta bertan Arrasateko taldeko hiru jokalari daude: Irene Murua, Haizea Apellaniz eta Naia Badiola. Espainiako txapelketan hartuko dute parte urtarrilaren 2tik 7ra bitartean, eta oraindik non jokatuko duten erabaki gabe dagoen arren, badirudi Murtzian edo Huelvan izango dela txapelketa hori.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
