Berbaldian historiako mugarririk azpimarragarrienak azalduko ditu Velez de Mendizabalek, Arrasaten aritu izan diren eragileen ezagutzari esker primizia, berrikuntza eta kalitatearengatik erreferente bilakatu den Arrasateko hezkuntza sistema ezberdinei toki eginez. Erdi Arotik ekingo dio azalpenari, arrasatearrak prestatzen jardun zuten klerikoengandik abiatuz, eta XX. mende bitarteko etapa ezberdinak kontuan hartuta. Besteak beste, mesedeetako mojen presentzia, Pedro Biteriren inflexio puntua Felix Arano eta Teresa Garcia maisu-maistrarekin, gainerako ordena erlijiosoen hezkuntza eskaintza eta Jose Maria Arizmendiarrietaren ekimenez sortutako Mondragon Unibertsitatea.
Goienagusi elkarteak gonbidatuta, Josemari Velez de Mendizabalek Hezkuntza Arrasaten, historian zehar izeneko hitzaldia eskainiko du etzi, abenduak 2, Kulturateko areto nagusian (10:00). Euskaraz izango da, gura duenari zabalik.