Nazioarteko lehen lerroko lehiaketa da Arrasate Hiria XXIII. Nazioarteko lehiaketa eta aurten 13 parte-hartzaile egongo dira Alemania, Txina, Errusia, Eslovakia, Eslovenia, Austria, Polonia, Serbia eta Finlandiakoak. Lehiaketa erreferentziazkoa da kontzertista bilakatu gura duten musikari gazteentzako. Epaimahaia James Crabb (Eskozia), Stefan Hussing (Alemania), Vojin Vasovic (Serbia), Iñaki lberdi (Euskal Herria) eta Matti Rantanek (Finlandia) osatuko dute.
Ohi bezala, aldi berean, Gipuzkoako Akordeoi Lehiaketa eta Gipuzkoako Akordeoi jaialdia egingo dira data berberetan. Lehiaketari dagokionez, infantil, junior eta senior mailetan Euskal Herriko eta Espainiako 25 partaide lehiatuko dira. Jaialdian berriz, 267 neska-mutikok joko dute aurten.