Zure aurrekari penalak lan berriarekin etorriko da Anari gaztetxera. Bosgarren bilduma aurkeztuko du azkoitiarrak Arrasaten, izenak berak igartzera bultzatzen duen moduan, aurreko diskoetan pilatutako hitz eta soinuen batura bezala balio duena. Ohiko bandarekin igoko da Kooltur Ostegunen agertokira, 22:00etan. [Audio: ARRASATE IRRATIan goizean eginiko elkarrizketa]
Borja Iglesiasek (gitarra), Drakek (baxua), Mariano Hurtadok (pianoa eta teklatuak) eta Mikel Txopeitiak (bateria) osatzen dute disko berria aurkezteko Anarik darabilen taldea. Azkoitiarra Zure aurrekari penalak honetan hizkuntzatik abiatuta beste jauzi bat egitera saiatu da baina metaforaz eta erreferentzia literarioz jositako berezko unibertsoari izkin egin barik.
Kontzertua 22:00etan hasiko da, ohi bezala, Arrasateko gaztetxean.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.