Monterron parkeko zuhaitzak irribarrez jarri dituzte Gaztelekuko kideek

"Arrasate bizi eta alaiago" bilakatzeko irribarreak egin dizkiete asteburuan Gaztelekuko kideek Monterron parkeko zuhaitzei. Jausitako hosto, adaska eta lastoekin bihotz erraldoi bat ere irudikatu zuten Garaion elkartekoen laguntzarekin. 

Arte interbentzioa egin zuten zapatu arratsaldean erdiguneko Gaztelekuko gaztetxoek Txatxilipurdi eta Garaion elkarteetako kideekin batera. Auzolanartean izeneko ekintzan, herriko gazteei hitza eman eta ekintza plazaratu gura izan da. Gaztetxoek ametsei buruz hitz egin eta ideia moduan "herri bizi eta alaiagoa" nahi zutela adostu zuten. Horretarako, irribarreak marraztu zizkieten askotariko materialekin pareko zenbait zuhaitzi eta bihotz erraldoi bat ere egin zuten parkearen zoruan. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.