Garaia Berrikuntza Guneko ateak, zabal-zabalik

Jokin Bereziartua Lizarazu 2015ko aza. 14a, 15:51

"Jende asko etorri da, eta esango nuke orokorrean interes handia piztu dutela bisitatu ditugun enpresek. Oso pozik gaude goizak eman duenarekin". Hitz horiek izan ditu Garaia Berrikuntza Guneko eta Saiolaneko zuzendari Joseba Sagastigordiak gaur, zapatua, Garaian ospatu duten ate irekien jardunaldiaren inguruan. 150 bat herritar hurbildu dira; helduek bisita gidatuak izan dituzte eta ume zein gaztetxoendako denetarik egon da: puzgarriak, zirku akustikoa, bizikleta, magia, slackline-a... Ez dute aspertzeko astirik izan.

Zapatu goizean Garaia Berrikuntza Gunera hurbildu diren herritarrek sei enpresetako produktuak ezagutu eta probatzeko aukera izan dute, besteak beste: "Herrigunetik 100 metro eskasera egiten duguna erakustea izan da helburua eta esango nuke lortu dugula. Alkatea bera ere egon da bertako proiektuen berri ere jasotzeko", adierazi du Sagastigordiak.

Arrasate