Eneko Fernandezek AKEko presidente kargua utzi eta sei urteon balorazio positiboa egin du

AKEko talde bat.

Eneko Fernandezek, azken sei urteetan AKEko lehendakari izan denak, kargua utzi du elkartearen batzar nagusian, azaroaren 10ean, orain zinegotzi baita. Sei urteon balorazio positiboa egin du, tenis, padel eta frontenis sailak berpiztu eta sortu direla goraipatuz, squashekoa ahaztu gabe. Presidente berria Asier Errasti da, eta idazkaria, Xabier Altzelai.

Horiei laguntzen, sail bakoitzetik bi ordezkari izango dira zuzendaritza batzorde berrian.

Batzar orokorrean, aurrerantzean zuzendaritza urtero aldatzea erabaki zen, sailen artean txandakatuz.

Gaur egun, elkarteak aipatutako lau sail horiek ditu: lehiaketa kontuetan 58 federatu ari dira elkartean baina elkarteko hainbat jarduerak kontuan hartuta, 150-200 bat kirolari aritzen dira guztira. Horretaz gain, tenis eskolan 30 bat neska-mutiko ari dira.

Sekula baino izen-emate gehiago

Elkartearen jarduera oparoaren adibide bat asteburu honetan hasiko den VI. Santamasetako Tenis Txapelketa da. Aurten sekula baino izen-emate gehiago izan denez, aurrefase bat egin behar izan da. Guztira 50 tenislarik eman dute izena, hauen artean 12 neska-mutikok.

Batzarrean erabaki bezala, elkarteak bereziki gonbidatu nahi ditu emakumeak, entrenamendu antolatuak eta neska taldetxoak abian daudela gogoraraziz, Musakolako kiroldegira hurbil daitezen.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.