Arrasate Musikalek kontzertua emango du domekan musikarien zaindariaren omenez

Arrasate Musikaleko bandaren entsegua, Monterron jauregian.

Ohitura denez, Arrasate Musikaleko bandak kontzertua eskainiko du Santa Zeziliaren omenez. Domekan izango da, San Frantzisko elizan, 12:30ean. Sarrera doakoa izango da eta Mikel Markiegi zuzendariaren aginduetara  bost pieza joko dituzte. 

Honako pieza hauek osatuko dute domekako kontzertuko erreportorioa: Alfredo Javaloyes-en El Abanico, Soutullo y Vert-en La leyenda del beso, J.Mejj-en The phantom of the opera, Naohiro Iwai-ren American Graphity eta A. Norwing-en El último Mohicano. Bandako tronboi-jole Mikel Muxikari eskainiko diote kontzertua: "Animo asko, Mikel!", adierazi dute. 

Era berean, Arrasate Musikaleko txistulariek Aramaioko Gantzaga auzoko jaietan kontzertua eskainiko dute. Gantzagako elizan izango da kontzertua, 11:00etan hasita. 

Aprendices eraikina jomuga  

Agintaldiko proiektu estrategikoen artean dago Musika Etxea –Goikobalurekin batera– Aprendices eraikinean egokitzea. Azken osoko bilkuran onartu zen 20.000 euroko kreditu aldaketa, proiektua idaztera bideratua. Jaurlaritzako SPRIrena da eraikina baina alkatearen arabera, "aukera handiak" daude jabetza aldatu eta proiektua gauzatzeko.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.